កំណាព្យអប់រំស្មូតធម៌បទ

កំណាព្យអប់រំស្មូត​

កំណាព្យអប់រំ

ស្មូតធម៌បទមុនសម្តែងធម៌ទេសនា

ស្មូតធម៌បទមុនទេសនា

ទេសនាគ្រែពីរ!

ទេសនាគ្រែពីរមហាជាតក

ទេសនាគ្រែពីរ

ទេសនាគ្រែ២(ចោទ-ឆ្លើយ)!!!!

ទេសនាគ្រែ5​ (ចោទ-ឆ្លើយ)!!!!

ទេសនាគ្រែ5​ (ចោទ-ឆ្លើយ)!!!

ទេសនាគ្រែ5​ (ចោទ-ឆ្លើយ)!!

ទេសនាគ្រែ5​ (ចោទ-ឆ្លើយ)!

ទេសនាគ្រែ5​ (ចោទ-ឆ្លើយ)

ទេសនាគ្រែ5​ ចោទ-ឆ្លើយ

ទេសនាគ្រែ5​ ទឹកចិត្តកូនខ្ញុំ

ទេសនាគ្រែ5​ ចម្រើនព្រះជន្ម

ទេសនាគ្រែ5​ (ប៉ៃលិន)

ទេសនាគ្រែ5

ទេសនាគ្រែបី

ទេសនាគ្រែបីក្នុងបុណ្យទក្ខិណានុប្បទាន

ទេសនាគ្រែបីក្នុងបុណ្យឆ្លងរបងវត្ត

ទេសនាគ្រែពីរក្នុងបុណ្យផ្កាប្រាក់

ទេសនាគ្រែពីរក្នុងបុណ្យបច្ច័យបួន

ទេសនាគ្រែពីរក្នុងបុណ្យកឋិនទាន

ដំណើរទស្សនកិច្ចប្រាសាទអង្គរវត្ត

ព្រះសង្ឃចិត្តស៊ូ៨

ព្រះសង្ឃចិត្តស៊ូ៧

ព្រះសង្ឃចិត្តស៊ូ៦

ព្រះសង្ឃចិត្តស៊ូ៥

ព្រះសង្ឃចិត្តស៊ូ៤

ព្រះសង្ឃចិត្តស៊ូ៣

ព្រះសង្ឃចិត្តស៊ូ២

រឿងព្រះសង្ឃចិត្តស៊ូ១

ពោលនិងស្មូតព្រះគុណម៉ែ-៥

ពោលនិងស្មូតព្រះគុណម៉ែ-៤

ពោលនិងស្មូតព្រះគុណម៉ែ-៣

ពោលនិងស្មូតព្រះគុណម៉ែវគ្គ-២

ស្មូតព្រះគុណម៉ែភាគបញ្ចប់

ពោលទឹកចិត្តម៉ែ

ស្មូតទឹកចិត្តឪពុក

ទេសថ្ងៃបុណ្យសង្សារ-៦

ទេសថ្ងៃបុណ្យសង្សារ-៥

ទេសថ្ងៃបុណ្យសង្សារ-៤

ទេសថ្ងៃបុណ្យសង្សារ-៣

ទេសថ្ងៃបុណ្យសង្សារ-វគ្គ១

ទេសពីថ្ងៃបុណ្យសង្សារ-២

ស្មូតគុណមាតាបិតា

Book3.body .samnang -

ទំនួញប្រេតខែភ្ជុំបិណ្ឌ

បុណ្យទក្ខិណានុប្បទាន

កំណាព្យថ្ងៃចូលឆ្នាំថ្មី

កំណាព្យថ្ងៃបុណ្យសង្សារ

                                                    ផ្កាកុលាប១ទង

 ​​​​​ ប្រទេសកែប្រែមានបុណ្យហូរហែរួមបុណ្យសង្សារ

១/ អត្ថន័យកំណាព្យ                      ចងជាពាក្យកាព្យ               រៀបរាប់ចុងជួន

​​   តាមInternet                              តែងជាពាក្យ៤                 បុណ្យមានផ្ទួនៗ

                                                  លើដីខេមរា។

២/ បុណ្យមានសន្លឹក                      ខ្ញុំសូមរំលឹក                       ចងក្រងវាចា

    បន្ទាប់ពីថ្ងៃ                               ៧មករា                             ខ្មែរផុតវេរា

                                                  សង្រ្គាមរលំ។

៣/ ប្រជាពលរដ្ឋ                            និរាសប៉ុលពត                   ត្រឡប់ជួបជុំ     

    អ្នកទីជិតឆ្ងាយ                           ក្នុងព្រៃលើភ្នំ                      វិលវិញមកភូមិ

                                                   ដែនដីកំណើត។

៤/ បានសន្តិភាព                            អ្នកនៅខ្ពង់រាប    ​​​​​​​​​​​             ទំនាបខាងកើត                      

    ខាងលិចខាងជើង                      ខាងត្បូងទល់ខ្នើត             ដូចខែរះអើត

                                                   បន្តិចម្តងៗ។

៥/ ស្រុកយើងសព្វថ្ងៃ                      រីកចម្រើនក្រៃ                   លាន់ឮអឺងកង

    កិត្តិយសកេរ្តិ៍ឈ្មោះ                     ពីរោះគ្មានហ្មង                 ក្នុងស្រុកក្រៅផង

                                                   ល្បីឥតងាករេ។

៦/ ថាខ្មែរអស្ចារ្យ                            គ្មានប្រទេសណា              ប្រៀបបានខ្មែរទេ

    ខ្មែរចេះសាមគ្គី                           កំណើនឡើងទ្វេ                តាមស្រុកខេត្តគេ

                                                     មានផលដំណាំ។

៧/ មានទាំងសាសនា                      ត្រាប់តាមពុទ្ធដីកា             ព្រះពុទ្ធទ្រង់ផ្តាំ

    សីលប្រាំមានជាក់                       ចូរអ្នកចំណាំ                    បាណាតិបាតចាំ

                                                    រក្សាអោយបាន។

៨/ មានចិត្តមេត្តា                            អាសូរករុណា                    បុណ្យទានកុំខាន

   ប្រឹងប្រែងតស៊ូ                             ដោយក្តីក្លាហាន                មាសប្រាក់លុយឡាន

                                                    ត្រូវចេះចំណាយ។

៩/ សន្សំកុសល                              អ្នកនឹងបានផល                រូបស្រស់ឆើតឆាយ

    សំឡេងពីរោះ                            អាយុវែងឆ្ងាយ                  មិនទៅអបាយ

                                                    ប្រាកដសួគ៌ា។

១០/ សាសនាមាំមួន                       បរិស័ទទាំងបួន                  ត្រូវសាមគ្គីគ្នា

       បំបាត់អោយអស់                    នូវពៀរវេរា                         លោភៈស្មាលា

                                                   គ្រប់ៗអង្គប្រាណ។

១១/ ម្យ៉ាងនេះដោយសារ                នៅក្នុងរដ្ឋា                        បានសុខសាន្តត្រាណ

       រីកគ្រប់វិស័យ                         មូលហេតុយើងបាន           ដឹកនាំចំណាន

                                                   ព្រោះរដ្ឋកែប្រែ។

១២/ មានទាំងថ្នល់ស្ពាន                  រួមសាលារៀន                   មន្ទីរពេទ្យផងដែរ

      ទីក្រុងជនបទ                          មានច្រើនហូរហែ                នេះនៅស្រុកខ្មែរ

                                                   អច្ឆរិយៈអញ្ចឹង។

១៣/ នេះដោយសារអ្នក                  ដឹកនាំល្អជាក់                      លោកតែងខំប្រឹង

       អភិវឌ្ឍន៍ប្រទេស                    អោយលាតសន្ធឹក                មានអូរមានស្ទឹង

                                                   បឹងបួជលសារ។

 ១៤/ ខ្មែររៀបចំបាន                       មានល្បែងកម្សាន្ត                ខួបប្រាំងវស្សា

       តាមប្រពៃណី                         មានបុណ្យមានការ               តុបតែងរចនា

                                                   មានល្ខោនរបាំ។

១៥/  ក្នុងនោះរួមមាន                     បុណ្យភូមិដារលាន               ភ្ជុំបិណ្ឌចូលឆ្នាំ

       ក្មេងចាស់ប្រុសស្រី                 ប្រារព្ធរាល់ឆ្នាំ                       ជាតិខ្មែរចងចាំ

                                                  ជាកេរមរតក។

១៦/បុណ្យនោះសប្បាយ                មានមនុស្សទាំងឡាយ           ប្រជុំកុញកក

       ពិសេសទីក្រុង                       ភ្នំពេញមិនស្រក                    ខ្លះជិះរ៉ឺម៉ក

                                                  ខ្លាចកកខាតសាំង។

 ១៧/ ទន្លេមុខបួន                         មានសាសន៍ខ្មែរយួន              ចិនចាមបារាំង

       អស់គ្លេសជប៉ុន                      រីករាយយ៉ាងខ្លាំង                   វីដេអូបញ្ចាំង

                                                  ក្រុងគ្រុឌអសុរា។

១៨/  មានកាំជ្រួចផង                     ពន្លឺអឺងកង                           ពាសពេញវេហាស៍

        ប្រុសក្តីស្រីក្តី                        សំឡេងខ្ញៀវខ្ញារ                     អបអរអស្ចារ្យ

                                                  ពេញផ្ទៃប្រទេស។

១៩/  ហើយមានបុណ្យមួយ            យុវវ័យលើកស្ទួយ                  ចាត់ថាពិសេស

        ឈ្មោះបុណ្យសង្សារ              best of the best                     សប្បាយអ្វីម្ល៉េះ

                                                  ពេលចូលមកដល់។

២០/  ១៤គុម្ភៈ                              វេលាផ្អើលភ្ញាក់                       បំបាត់កង្វល់

        អ្នកមានសង្សារ                    ទិញផ្កាជូនដល់                       កូឡាបឲ្យផល

                                                  បង្កើតស្នេហា។

២១/  កូឡាប១ទង                        បញ្ជាក់ដំបូង                          ជំនួសវាចា

         ស្នេហាបរិសុទ្ធ                     ចំពោះកន្និដ្ឋា                         គ្មានអ្នកឯណា

                                                  បំបែកបានឡើយ។

២២/  ខ្លះណាត់គ្នាថា                     ពេលបុណ្យសង្សារ                 យើងទៅកៀកកើយ

         ភ្នំពេញព្រែកលាប                នៅជិតបង្កើយ                       កោះដាច់ឆ្លងត្រើយ

                                                  ឲ្យល្ហើយចិន្តា។

២៣/  ខ្លះលះបង់ដល់                    ខ្លួនប្រាណមិនខ្វល់                 ទាំងព្រហ្មចារា

         បូជាជូនបង                         ថ្ងៃបុណ្យសង្សារ                    មិនគិតកាយា

                                                   ថារបស់សំខាន់។

២៤/   ខ្លះនិយាយគ្នា                      ទៅសណ្ឋាគារ                       អមគូកំណាន់

          កៀកស្មារដើរចូល               Hotelដួងចន្ទ                          ភ្លេចខ្មែរប្រកាន់

                                                  ណាស់ជាស្រ្តីខ្មែរ។

២៥/   ខ្លះCallទូរសព្ទ័                      ព្រោះតែប្រញាប់                    ប្រាប់ដល់ថៅកែ

        កក់ផ្ទះសំណាក់                    មុនកន្លះខែ                            បន្ទប់មួយផងដែរ

                                                  សម្រាប់រូបខ្ញុំ។

២៦/ដល់ពេលកំណត់                    ខ្ញុំពិតប្រាកដ                          នឹងយកលុយដុំ

      ថ្លៃកក់បន្ទប់                           ជូនដល់ម៉ាក់អ៊ំ                        តាមអ្វីដែលខ្ញុំ

                                                  សន្សាជារឿង។

២៧/កុំភ្លើនភ្លេចខ្លួន                        ចេះសាសន៍ចិនយួន                កុំចោលខ្មែរយើង

       កុំធ្វើក្រអើត                            កុំពើតកុំពើង                          សប្បាយហួសរឿង

                                                   តាមតែចំណង់។

២៨/ ចូលវត្តដោះឆត្រ័                     អោនកាយប្រតិបត្តិ                  លំអុតអោនអង្គ

       កុំស៊ីតាមឃ្លាន                       កុំហ៊ានតាមចង់                        កាន់ច្បាប់ស្រុកត្រង់

                                                  កុំបង់សាសនា។

២៩/  កុំសេពគ្រឿងញៀន               កុំជក់អាភៀន                          កុំសាកកញ្ឆា

        គួរធ្វើតែអ្វី                             សង្គមត្រូវការ                          រដ្ឋរួមសាសនា

                                        គឺថា -   គិតហើយសឹមគូរ។

យុវជនយុវវ័យអើយ!  សប្បាយហើយតែសូមគិតប្រពៃណីខ្មែរផង!

                          បំណងល្អពីកូនខ្មែរជាអ្នកនិពន្ធ១រូបផង!

                          និពន្ធដោយ សមណនិស្សិត ពេជ្រ សំណាង

ទីបញ្ចប់ជូនពរមិត្តអ្នកអានគ្រប់វ័យ!

ទីបញ្ចប់ជូនពរមិត្តអ្នកអានគ្រប់វ័យទាំងអស់​​ !

                                     

១/  ដោយវេលាខ្លី            ខ្ញុំសូមស្រដី             អត្ថបទកំណាព្យ

     ថ្លាថ្លែងតចប់              ចងជាពាក្យកាព្យ     មានច្រើនដរាប

                                    គ្រប់ឃ្លាមានន័យ។

២/  សុទ្ធន័យអប់រំ            ក្មេងចាស់តូចធំ        ពិសេសគ្រប់វ័យ

     កំលោះក្រមុំ              តូចកី្តធំក្តី                  បងប្អូនប្រុសស្រី

                                    គួរគិតពិចារណ៍។

៣/ មានសំណាងណាស់  ក្នុងសាសនាព្រះ      បានកើតមនុស្សា

    ខំសិក្សារៀន               ព្រះធម៌ពិស្តារ          ស្គាល់ក្លិនរសា

                                    អត្ថរសព្រះធម៌។

៤/ មានទាំងវិជ្ជា              ច្រើនឥតគណនា     ពីរោះហើយល្អ

    ក្នុងនោះរួមមាន          ផ្លូវលោកផ្លូវធម៌         រីករាយត្រេកអរ

                                    តាមនិស្ស័យខ្លួន។

៥/ ខ្ញុំសូមខន្តី                  រាល់កំហុសអ្វី          ត្រង់កាព្យចុងជួន

    អក្ខរៈអក្សរ                 មិនត្រូវច្បាប់ក្បួន     ពាក្យមិនសមសួន

                                    ចំពោះប្រិយមិត្ត។

៦/ ព្រោះថាកំហុស          តែងកើតចំពោះ       ដល់អ្នកប្រព្រឹត្ត

   ធ្វើច្រើនខុសច្រើន        ចម្រើនរឹងរឹត            ឯនាក់អង្គុយជិត

                                    ឥតខុសអ្វីសោះ។

៧/ តែទោះយ៉ាងណា       ខ្ញុំសូមសច្ចា             ទទួលដោយស្មោះ

    នៃការរិះគន់               ក្មេងចាស់ទាំងអស់   ក្រែងមានចន្លោះ

                                    ខ្វះខាតត្រង់ណា!           

៨/  ខ្ញុំនៅក្មេងខ្ចី              ចំណេះអ្វីៗ              ខ្លីអាប់ប្រាជ្ញា

     ប៉ុន្តែគំនិត                 ជួយក្នុងរដ្ឋា             ទាំងក្នុងសាសនា

                                    ដែលខ្លួនជួយបាន។

៩/  កុំអោយសប្បាយ       មិត្តភកិ្តក្អាកក្អាយ     ភ្លើតភ្លើនហួសប្រាណ

     មាសប្រាក់លុយកាក់  ម៉ូតូលុយឡាន         គិតតែកម្សាន្ត

                                    គ្មានពេលណាស្រាក។

១០/ អោយចេះធ្វើទាន     ទាន់ជីវិតមាន          កុំអោយអបលក្ខណ៍

      សន្សំកុសល             តម្កល់ឥតអាក់         នោះប្រាកដជាក់

                                    សួគ៌ឋាននិព្វាន។

១១/ ខ្ញុំសូមជូនពរ            មង្គលបវរ               ចូរជាក់កើតមាន

      ដល់មិត្តប្រុសស្រី      អ្នកក្រអ្នកមាន         ទាន់ព្រះទ្រង់ញាណ

                                    ព្រះសិអារមេត្រី។

១២/ ហើយចូលស្តាប់ធម៌ សម្រេចកុះករ          សម្បតិ្តអ្វីៗ

       សោតាបន្ន              បត្តិផលអី               សម្រេចជោគជ័យ

                                    នាថ្ងៃអវសាន។

១៣/ សកទាគាមី            ​ អនាគាមី                 អរហត្ថឋាន

       នឹងព្រះនិព្វាន          គ្មានអ្វីរំខាន             ទុក្ខទាំងប៉ុន្មាន

                                    ឥតកើតមានដល់។

១៤/  ហើយពើបប្រទះ     ពររបស់ព្រះ            ដែលទ្រង់បន្សល់

        មានបួនប្រការ        ចូលកើតមានដល់    សូមផល្លាផល

                                    មានគ្រប់វេលា។

១៥/  អាយុវណ្ណំ              សុខំពលំ                 ច្បាស់ជាក់គ្រប់គ្នា

       រស់នៅយឺនយូរ        គ្មានទាំងរោគា          អស់ពៀរវេរា

                                    ពីពេលនេះទៅ!

 ១៦/  ពេជ្រសំណាងខ្ញុំ      លើកហត្ថបង្គំ           ត្រឹមនេះឥឡូវ

       ព្រោះតែវេលា          ខ្លីវាតម្រូវ            ​      ចប់ស្លេះមិននៅ

                                    បង្អង់បានយូរ។

១៧/ លើកហត្ថសូមលា    បងប្អូនមីងមា          សូមកុំរអ៊ូ

សង្ខេបឯវំ                ពិតមិនបន្ធូរ             ដោយក្តីតស៊ូ                

​​​​​​                              ចប់តែប៉ុណេ្ណះ៕