កំណាព្យអប់រំជនគ្រប់វ័យ

                         ជំនួយតែងមានចំណង

១/ និស្សិតក្រីក្រ              រៀនទាំងត្រដរ                ប្រឹងប្រែងតស៊ូ

    ទាំងថ្ងៃទាំងយប់         មិនហ៊ានរអ៊ូ                    គិតតែពីគូរ

                                    ត្រង់ការសិក្សា។

២/ បួនឆ្នាំយូរម៉្លេះ             ទ្រូងស្ទើររលេះ                បែកញែកក្តៅផ្សា

    តស៊ូលំបាក                គ្មានអ្វីដោះសា                រស់ក្នុងលោកា

                                    ជីវិតអភ័ព្វ។

៣/  គ្មានអ្នកណាជួយ       គ្រាន់ជាជំនួយ               ប្រសើរគួរគាប់                

       ខ្លួនចូលចិត្តរៀន       ប៉ុន្តែខ្វះទ្រព្យ                  បានប្រលងជាប់

                                    កំណត់ចាកចេញ។

៤/ បន្តសិក្សា                  រៀនយកបរិញ្ញា               បត្រនៅភ្នំពេញ

    ចំនួន៤ឆ្នាំ                  លំបាកម្តេចមិញ              បានតែទន្ទេញ

                                    ខ្ញុំក្រអ្វីម្ល៉េះ?

៥/ រាប់រយដុល្លារ             តើរកពីណា                    បានលុយទាំងនេះ?

     សិក្សាតទៀត             អោយខ្លួនពិសេស           អ្នកមានចំណេះ

                                    ខ្លួនបានប្រសើរ។

៦/ ចៃដន្យវាសនា            បានជួបបុញ្ញា                 មានអ្នកជំនួយ

    គេប្រាប់រូបខ្ញុំ              ចូរក្មួយកុំព្រួយ                អ៊ំជាក់នឹងជួយ

                                    ក្មួយកុំបារម្ភ!

៧/ រៀនអោយបានខ្ពស់    ក្មួយមានកិត្តិយស          ឧត្តុង្គឧត្តម

    កុំភ័យរឿងលុយ         ក្មួយឯងត្រូវខំ                 កុំអោយម៉ាក់អ៊ំ

                                    ត្រូវខកបំណង។

៨/ តែមានរឿងមួយ         បញ្ជាក់ជូនក្មួយ               អោយបានដឹងផង

           សម្រេចដូចចិត្ត   ដោយកី្តប៉ុនប៉ង               ជំនួយចំណង

                                    តាមការស្នើសុំ។

៩/ពេលចប់សិក្សា           ក្មួយត្រូវរៀបការ              ជាមួយកូនខ្ញុំ

    នាងឈ្មោះលីនដា      អ៊ំនឹងផ្សំផ្គុំ                      មានចាស់មានទុំ

                                    ប្រពៃណីតាដូន។

១០/កុំភ័យលុយកាក់        អ៊ំប្រាកដជាក់                 ជួយគ្រប់ចំនួន

     ឧបត្ថម្ភសិក្សា          ដល់វាសនាប្អូន               តែត្រូវប្រុសស្ងួន

                                    ជួបអ៊ំវិញផង។

១១/ជួយគ្រប់វេលា          ជួយក្មួយគ្រប់គ្រា             នាវាចម្លង

  កី្តទុក្ខកង្វល់                ដែលរួបរឹតផង                 ស្រាយពីចំណង

                                    អោយស្បើយទៅអើយ!                                             

Share

Related posts

កំណាព្យអប់រំជនគ្រប់វ័យ