តើសញ្ញាបត្រគឺជាអ្វី?

                                  តើសញ្ញាបត្រគឺជាអ្វី​ ?

                                           (បទពាក្យប្រាំពីរ​)

១/​​   ហេតុអ្វីមនុស្សយើងខំសិក្សា​                   ចង់បានបរិញ្ញាគ្រប់ៗគ្នា

      លំបាកយ៉ាងណាខំម្នីម្នា                          ខំប្រឹងពុះពាររាល់យប់ថ្ងៃ។

២/   ទោះធ្វើដំណើរទៅសែនឆ្ងាយ                   ឃ្លាតណាស់ឪពុកម្តាយទាំងអាល័យ

      មិនថាទៅនោះវាអស់ថ្លៃ                           ក៏មិនអាល័យទេលុយហ្នឹង។

៣/  បួនឆ្នាំសិក្សាហាក់យូរម្ល៉េះ​!                        ទ្រូងអើយស្ទើរប្រេះហើយឬដឹង

       ចង់បានចំណេះទើបខំប្រឹង                       ទោះឆ្លងព្រែកស្ទឹងក៏តស៊ូ។

៤/   មានលុយតិចតួចមិនហ៊ានចាយ                មិនហ៊ានចំណាយព្រោះគិតគូរ

       និស្សិតក្រីក្រជាគំរូ                                   បានចេះរអ៊ូតែម្នាក់ឯង។

៥/    តើនេះមូលហេតុដោយសារអ្វី​?​                  ទើបមនុស្សប្រុសស្រីខំប្រឹងប្រែង

       ខ្លះខំសិក្សាមិនរអែង                                រៀបរាប់ថ្លាថ្លែងតខ្លឹមសារ។

៦/    តើសញ្ញាបត្រនេះគឺជាអ្វី?​                         ហើយមានតម្លៃថ្លៃយ៉ាងណា

      ដូច្នេះអ្នកបានបរិញ្ញា                                សញ្ញាបត្រថ្លាសំគាល់ខ្លួន។

៧/  សារៈប្រយោជន៍នៃសញ្ញាបត្រ                    បវរពេកក្តាត់ណាស់បងប្អូន

      សញ្ញាបត្រនេះតដល់កូន                          ត្រាប់តាមច្បាប់ក្បួនឆ្លងផុតត្រើយ។

៨/   បើអ្នកដាក់ឈ្មោះចូលធ្វើការ                     អ្នកមានបរិញ្ញាបត្ររួចហើយ

       បំពេញCVរួចAPPLY                               អ្នកកុំព្រួយឡើយការងារនោះ។

៩/   ប្រាកដជាបានកី្តសម្រេច          ​​                 គេរង់ចាំស្រេចនៅទីនោះ

      ទឹកប្រាក់បៀវត្សក៏បានខ្ពស់                        និងមានកិត្តិយសឧត្តមក្រៃ។

 ១០/ ការងារក៏ស្រួលនៅក្នុងម្លប់                       មិនមានឈរឈប់ហត់រាល់ថ្លៃ

        ដោយមានចំណេះប្រៀបពេជ្រច្នៃ             ផ្លាស់រូបកែខៃផ្ទុយជនល្ងង់។

១១/  មួយថ្ងៃៗខំធ្វើការ                                   ហត់នឿយកាយាដូចក្នុងទ្រុង

        ចង់បានអ្វីមួយក្នុងចិត្តស្លុង                       ខាតដើមខាតចុងគ្រប់វេលា។

១២/  ព្រោះតែខ្លួនឯងគ្មានបរិញ្ញា                      ចូលបម្រើការគេរួញរា

        បានដោយខំប្រឹងញើសហូរហៀរ              ទើបប្រាកដជាបានការធ្វើ។

១៣/  ចូលទៅធ្វើការសែនលំបាក                     លំបិនឥតស្រាករាល់ទង្វើ

         ការងារដែលគេដាក់អោយធ្វើ                  ដូចមនុស្សងីងើនៅក្មេងខ្ចី។

១៤/   មូលហេតុខ្លួនឯងគ្មានវិជ្ជា                       ដូច្នេះការងារវានៅថ្មី

         លំបាកស្ទើរស្លាប់កុំត្អូញអី                        ដែលខ្លួនអប្រិយគ្មានសញ្ញាបត្រ។

១៥/   អញ្ចឹងហើយយើងជាបុត្រខេមរា               រៀនចប់កាលណាបានដុសខាត់

         ខំប្រឹងគ្រប់គ្នាយកសញ្ញាបត្រ                   ការងារប្រាកដរង់ចាំហើយ។

Share

Related posts

តើសញ្ញាបត្រគឺជាអ្វី?